የደቡብ ክልል የከተማ ልማትና ቤቶች ቢሮ ፣ የንግድና የኢንዱስትሪ ልማት ቢሮና የኢንቨስትመንት ኮሚሽን የጋራ ጉባኤ አካሔዱ፡፡  ጉባኤው በሴክተሩ የመጀመሪያ ዙር የዕድገትና የትራንስፎርሜሽን ዕቅድ አፈፃፀም በመገምገምና በቀጣይ የ5 ዓመት የዕቅድ ዘመን የጋራ መግባባት ላይ በመድረስ ብቁ ዕቅድና ፈፃሚ እንዲዘጋጅ ያስችላል ተብሏል፡፡ 

  አቶ መለሰ ዓለሙ

  ም/ርዕሰ መስተዳደርና የከተማ ልማትና ቤቶች ቢሮ ኃላፊ

 የክልሉ ም/ርዕሰ መስተዳደርና የከተማ ልማትና ቤቶች ቢሮ ኃላፊ አቶ መለሰ ዓለሙ በጉባኤው ተገኝተው እንደተናገሩት፣ በጋራ የተካሄደው ጉባኤ የመጀመሪያ ዙር የዕድገትና ትራንስፎርሜሽን ዕቅድ በጋራ የታቀደና የተፈፀመ በመሆኑ በአፈፃፀሙ የተገኙ ጥንካሬዎችና ጉድለቶች በመለየት ትምህርት ለመውሠድና ለቀጣይ ተልዕኮ ሁሉ አቀፍ ዝግጅት እንዲደረግ ያስችላል ነው ያሉት፡፡በየጊዜው የሚመዘገቡ ውጤቶችን አጠናክሮ ለማስቀጠልና በመልካም አስተዳደርና በኪራይ ሰብሳቢነት የሚታዩ ችግሮች ለመቅረፍ አመራሩ ከመቼውም ጊዜ በላይ ትግል ማድረግ እንደሚገባው አሳስበዋል፡፡ም/ርዕስ መስተዳደሩ አክለውም ፣ የቀጣዩን የ5 ዓመታትና የ2008 በጀት ዓመት ዕቅድ ላይ ግልፅነት በመፍጠር መዋቅራዊ ለውጥ ማምጣት እንደሚገባና ሕዝቡም የልማቱ ተጠቃሚ እንዲሆን ለማስቻል ሰፊ ስራ መስራት ይጠበቅብናል ብለዋል፡፡

 
የጉባኤው ተሳታፊዎች በከፊል

 የጉባኤው ተሣታፊዎች እንደገለጹት፣ በተለያዩ ዘርፎች ለተከናወኑት ዝቅተኛ አፈፃፀሞችና የመልካም አስተዳደር ችግሮች የአመራሩ ቁርጠኛ አቋም ያለመኖር እንደሆነ ገልፀው፣ በ2ተኛው ዙር የታቀዱ ዕቅዶችን ከግብ በማድረስ ሁለንተናዊ ንቅናቄ ማድረግ እንደሚጠበቅባቸው ተናግረዋል፡፡

በጉባኤው የሴ/ሩ የሕ/ተሰብ ተሣትፎና የመልካም አስተዳደር ዕቅድ ቀርቦ ውይይት የተደረገበት ሲሆን በኢንተርኘራይዞች ልማትና የሕ/ተሰብ ተሣትፎ ምርጥ ተሞክሮዎችና የተሻለ አፈፃፀም ያላቸው የክልል ተቋማት ፣ ዞኖች፣ ከተሞችና ልዩ ወረዳዎች በማቅረብ ሌሎች እንዲማሩበት ተደርጓል፡፡

ይህ በእንዲህ እንዳለ የ2007 በጀት ዓመት የለውጥና የልማት ሥራዎች አፈፃፀም ምዘና ውጤት በጋራ ቀርቦ የተሻለ አፈጻጸም ያስመዘገቡ ተቋማት ዕውቅናና ሽልማት ተሠጥቷቸዋል፡፡

    የሸልማት አሰጣጥ ስነ ስርዓት በከፊል

 በመጨረሻም የቀጣይ የትኩረት አቅጣጫዎችን በማስቀመጥ የከተማ ልማትና ቤቶች ቢሮ ከዞኖች ጋር የ2008 በጀት ዓመት ዕቅድ የግብ ስምምነት በመፈራረም ጉባኤ ተጠናቅቋል፡፡

 በክልሉ ዘመናዊ የካዳስትራል የመረጃ ስርዓት ዝርጋታ ኘሮግራም ተግባራዊ ለማድረግ እየተሰራ መሆኑ ተገለፀ፡፡  

 የካዳስተራል የመረጃ ስርዓት ዝርጋታ በከተምች መካሄዱ ዜጎች በመሬት ላይ ለሚገነቡት ቋሚ ንብረት የተጎናፀፋትን የባለቤትነትና በመሬት የመጠቀም መብታቸውን እንዲረጋገጥ ያስችላል አለ የክልሉ ከተማ ልማትና ቤቶች ቢሮ፡፡  ዝርዝሩ እንደሚከተለው ቀርቧል፡፡

የከተማ መሬት ይዞታን መመዝገብ ለሃገሪቱ ኢኮኖሚ አስተማማኝ መረጃን በማመንጨትና ለሚፈለገው አገልግሎት ለማዋል ተቋማዊ መሠረት በመሆኑ፣ ዜጎች የይዞታ መብት ዋስትና እንዲያገኙና ከተሞች ኢኮኖሚያዊ፣ ማህበራዊና አካባቢያዊ ልማታቸውን እንዲያፋጥኑ ያስችላቸዋል፡፡ከዚህ በተጨማሪም ከመሬትና ከማይንቀሳቀስ ንብረት ጋር ተያይዞ የሚነሳውን ክርክር ለመቀነስና ባለይዞታው በሕግ አግባብ ያፈራውን ሃብት በአግባቡ እንዲጠቀም ያስችለዋል፡፡

በቢሮው የከተማ መሬት ይዞታ ምዝገባና መረጃ ኤጀንሲ ዳይሬክተር አቶ አያኖ ሱማኖ  እንደተናገሩት፣ በክልሉ የካዳስተር የመረጃ ስርዓት ዝርጋታ ለመጀመሪያ ጊዜ በሀዋሳ ፣ በዲላ፣ በአርባምንጭ ፣ በወላይታ ሶዶና በሆሳዕና ከተሞች እንደሚካሔድ ጠቁመው፣

አቶ አያኖ ሱማኖ  በቢሮው የከተማ መሬት ይዞታ ምዝገባና መረጃ ኤጀንሲ ዳይሬክተር

ኘሮግራሙ ውስንና ውድ የሆነውን የከተማ መሬት በአስተማማኝ የመረጃ ሥርዓት መገንባትና በዕውቀት ላይ የተመሰረተ ውሳኔ መስጠት ከማስቻሉም በላይ የከተሞችን የልማትና የመልካም አስተዳደር ችግር እንደሚፈታ ተናግረዋል፡፡

 ፐብሊክ ሰርቫንቱ የለውጥ ሠራዊት በመሆንና ተልዕኮውን በብቀት በመፈፀም በከተሞች ልማታዊ መልካም አስተዳደርን ሊያረጋግጥ እንደሚገባ የክልሉ ከተማ ልማትና ቤቶች ቢሮ አስታወቀ፡፡ለሠው ኃይል ልማቱም ምርምርና ቴክኖሎጅን ለማስፋፋት በሚያሽችል ደረጃ ከፍተኛ ትኩረት ተሠጥቶት እየተሰራ እንደሚገኝ ቢሮው ገልጿል፡፡በጉዳዩ ዙሪያም በዞን፣በልዩ ወረዳና ከ5ቱ ከተማ ስተዳድሮች ለተውጣጡ ፈፃሚዎች ለ3 ተከታታይ ቀናት በቡታጀራ ከተማ ስልጠና ሠጥቷል፡፡  

 የገቢና የንግድ ልማት ሰራዊት ለመገንባት የሚየስችል ዕቅድ ታቅዶ የገቢና የንግድ ሴክተር በቅንጅት በመስራትታቸው በንግድ ስራ ፈቃድ እድሳትና ግብር አከፋፈል ላይ የተሻለ ውጠት መመዝገቡ ተገለጸ፡፡የቅንጅት ስራው በህዝብ ንቅናቄ በመመራቱ የደረጃ ሐ ግብር ከፋይ የሆነው የንግዱ ማህበረሰብ ከምንግዜውም በላይ ቀደም ብሎ ግብር የከፈለና ፍቃዱን ያደሰ መሆኑም ተጠቁሟል፡፡

ዝርዝርሩ እንደሚከተለው ቀርቧል፡፡

ከሀምሌ 1/2007 ጀምሮ በክልሉ የገቢና የንግድ ሴክተሮች በቅንጅት ለ30 ቀናት ለደረጃ ሐ ግብር ከፋይ የንግድ ማህበረሰብ ባደረጉት ቅስቀሳና በሰጡት የአንድ ማዕከል አገልግሎት የተሻለ ውጤት መመዝገቡን የንገድ ኢንዱስትሪና ከተማ ልማት ቢሮ ምክትል ኃላፊ አቶ መለሰ መና የዘርፋ አፈፃፀም ግምገማ መድረክ ላይ ገልፀዋል፡፡

በክልሉ ከ121 ሺህ /አንድ መቶ ሃያ ሺህ / በላይ የደረጃ ሐ ግብር ከፋዮች እንደሚገኙ የተናገሩት አቶ መለሰ በሀምሌ ወር 2007 የዘፋ ፈፃሚና አመራር በሕዝብ ንቅናቄ የታጀበ ተግባር በመፈፀማቸው 118 ሺህ /አንድ መቶ አስራ ስምንት ሺህ/ የደረጃ ሐ ግብር ከፋዮች ግብራቸዉን ከፍለዋል፡፡ የንግድ ስራ ፈቃድና ምዝገባ ያደሱት ደግሞ 74 ሺህ /ሰባ አራት ሺህ / ነጋዴዎች መሆናቸውም ተጠቅሷል፡፡